Инсонро нафси калонаш ба ҳар роҳ мебарад. Худ нофаҳмида мемонад, ки чӣ тавр ба балои азиме гирифтор мегардад, сахт пушаймон мешавад, ва аллакай дер шудаасту дар дастонаш завлона задаанд.

        Оилаи Айёмбековҳо дар ноҳияи Шуғнони Вилояти Мухтори кўҳистони Бадахшон аз он тоифае дохил мегарданд, ки пойбанди ҳирсу ҳавою ҳавас гардида, даст ба ҷиноятҳои вазнин ва махсусан вазнин задаанду аз кирдорҳои хеш ҳанўз ҳам хулосаи аниқе набаровардаанд.

       Санаи 15 сентябри соли равон Асосгузори сулҳу ваҳдати миллӣ, Пешвои миллат, Президенти мамлакат – муҳтарам Эмомалӣ Раҳмон зимни сафари кориашон ба Вилояти Мухтори Кўҳистони Бадахшон аз вазъи сиёсии ин вилоят изҳори норозигӣ намуда, ба иақомотҳои дахлдор супориш дода будангд, ки бар зидди ҷинояткорону қонуншиканон муборизаи беамон бурда, дар муддати як моҳ оиди корҳои анҷомдодаашон ахборот пешниҳод намоянд.